ABŞ-ın paytaxtı Vaşinqtonda ATƏT Helsinki Komissiyasında “Ermənistandakı islahatlar: Tərəqqi və ABŞ siyasətinin imkanlarını qiymətləndirmə” mövzusunda konfrans keçirilib.əbər verir ki, konfransda Ermənistanın Vətəndaşlar Birliyi proqramının koordinatoru Daniel İoannisyan da iştirak edib.1az.az xəbər verir ki, İoannisyan Ermənistanın Rusiyadan uzaqlaşdırılmasının vacibliyinə toxunub:
“Ermənistanda demokratik dəyərləri inkişaf etdirmək üçün imkan yaranıb. Bunun üçün Ermənistanın Rusiyadan maksimum müstəqillik əldə etməsinə kömək etmək lazımdır. Bu otaqda heç kimə sirr deyil ki, Rusiya qonşuluqdakı hər hansı bir demokratikləşmə prosesini bəyənmir.
Rusiyadan müstəqillik əldə etmək üçün alternativ enerji istehsalını və Ermənistanda infrastrukturun inkişafını stimullaşdırmaq lazımdır. Bu, Rusiya qazının tədarükündən asılılığı azaltmaqla yanaşı, həm də Kremldən Ermənistana təzyiq etmək üçün əlavə bir qol olan erməni əmək miqrantlarını qismən geri qaytarmağa kömək edəcək”.
ABŞ-ın paytaxtında qapalı keçirilən iclasda Daniel İoannisyanla yanaşı, Almaniya Marşall Fondunun aparıcı tədqiqatçısı Conathan D. Katz, “Alik Media”nın təsisçisi Arsen Xaratyan və Milli Demokratiya Fondunun baş direktoru Miriam Lansk çıxış edib.
Erməni KİV sözügedən qurumların ABŞ-ın Açıq Cəmiyyət İnstitutu (Soros Fondu) tərəfindən maliyyələşdirildiyini yazıb. Erməni mediası Soros Fondunun İrəvandakı şəbəkəsinin Ermənistanı Rusiyadan uzaqlaşdırmaq üçün hərəkətə keçdiyini iddia edib.Teleqraf.com
