“Deputat Fəzail Ağamalı Prezidentin tezislərindən qərəzli və dövlətçiliyə ziyanlı nəticələr çıxartdı”.
1az.az xəbər verir ki, bunu “Bakı Xəbər” qəzetinin baş redaktoru Aydın Quliyev deyib. O, bildirib ki, Fəzail Ağamalı “buynuzunu medianın çomağına sürtdüyü “üçün elə medianın özündən öldürücü zərbə almış deputat həmkarının miskin durumundan nəticə çıxarmayıb:
“Adam başdan ayağa yalan, qərəz və qisasalma motivləri ilə Azərbaycan Prezidentinin yanında bütün dünya üçün unikal bir model kimi yaradılmış KİVDF-nin fəaliyyətinin üstündən Ana Vətən Partiyasının üzündən də qara “rənglə xətt çəkməyə, qaralamağa çalışıb.
Bu gün Azərbaycanda çap olunan qəzetlərin 100 faizi (yəni bir qəzet kənarda deyil) dövlətçiliyin yanında tərəddüdsüz mövqe tutubsa, elə bu, Fəzail müəllimin bəd niyyətlərdən torlanmış fəhminin görmək istəmədiyi KİVDF-nin böyük nailiyyəti və Prezidentin özünü doğruldan layihələrinə bariz nümunə deyilmi?
Fəzail Ağamalı Prezidentin uğurla icra olunan layihəsinə şər atmaqla kimlərə, nəyə xidmət edir?
25 illik özünü doğrultmayan və hakimiyyətə “ayı xidmətindən başqa” mənası olmayan deputatlıqdan sonra mandatı bu dəfə itirmək kimi təhlükə qarşısında hakimiyyət şantajmı olunur? KİVDF-ni “ağ yuyub qara sərdiyi” müsahibədə “deputat kimi fəaliyyətim göz qabağındadır” xatırlatmasını araya salıb deməkdə xeyir ola? Deputat kimi guya “göz qabağında olan” işlərini gözə soxmağa çalışan deputat “gözlər qabağında olmayan” işlərindən niyə danışmır? Bunu haqqı-sayını yerə vurduğu insanların etməyini istəyirsə, neynək olsun, hər söz sahibi öz sözünü götürəcək yəqin…
Qeyri-şəffaf prinsiplərlə dəstəklədiyi hansısa jurnalistə ev verdirmək planları baş tutmayıbsa, burada çıxış yolu cənab Prezidentin yaratdığı və fəaliyyət konsepsiyasını da özünün verdiyi KİVDF-ni qaralamaq deyil…
KİVDF-nin başqa bir sıra ləyaqətli deputatların da iştirak etdiyi təqdimat-bayram mərasimlərindən kənarda qalmağa görə də çıxış yolu qisas və böhtan atmaq deyil…
Prezident cənabları bu günlərdə biznesə qanunsuz dəstək verərək monopoliya yaradan və reketçi media ilə çirkin alyans quraraq islahatlara təxribat edən iki şərti qrup məmurlardan danışdı, əslində xalqın ürəyindən xəbər verdi.
Fəzail Ağamalı özünün bu qruplardan hansı ilə bağlı olduğunu araşdırmamıza böyük təkan verdi. Araşdırmalara başladıq…”.Yenisabah.az
