Dubayda 3D printerdə çap olunan ən böyük iki mərtəbəli bina təqdim olunub.
BiG.AZ-ın vesti.ru-ya istinadən verdiyi xəbərə görə, bu bina 3D çapdan istifadə edərək yaradılan ən böyük tikinti layihəsi olaraq Ginnesin Rekordlar Kitabına daxil edilib. Evin hündürlüyü 9,5 metr, ərazisi 640 kvadrat metrdir. Maye material, öncədən kompüter tərəfindən göstərilən müəyyən marşrutla qat-qat düzülüb, daha sonra bərkiyərək betona çevrilib.
Tikintidə istifadə olunan texnologiyalar, binaların inşasının sürətini rekord həddə artırmağa və tikinti xərclərini azaltmağa imkan yaradacaq.
İki mərtəbəli evi cəmi 15 nəfər tikib. Bu, adətən tikintidə iştirak edənlərin yarısı qədərdir.
Bundan əlavə, proses zamanı tullantıların miqdarı da 60% az olub.
