<p> </p>
<p>2022-ci ildən bu günədək dərc olunmuş “Rəqəmsal uçurum” mövzusunda hesabata əsasən Azərbaycanın şəhər və kənd yaşayış məntəqələrində əhalinin 94 faizi 4G internetlə təmin olunub, əhalinin 69 faizi isə mobil internetdən istifadə edir.</p>
<p>AZƏRTAC xəbər verir ki, bunu BMT-nin Azərbaycanda Rezident Əlaqələndiricisinin Ofisinin rəhbəri Kanako Mabuçi Bakıda “Azercell”in “Dayanıqlı inkişaf: çağırışlar və həllər” mövzusunda tədbirində deyib.</p>
<p>“Genişzolaqlı mobil rabitənin əhatə dairəsi böyük olsa da, şəhər və kənd yerlərində internetin sürəti ilə bağlı problemlər hələ də qalır. Belə ki, Mərkəzi Asiya və Cənubi Qafqazda 40 faiz əhali dağlıq ərazidə yaşayır. Bu yerlərdə genişzolaqlı infrastrukturu qurmaq ağır və bahalı olduğundan internetə çıxışın əldə edilməsi çətindir. Buna baxmayaraq, son 2 ildə bu ərazilərdə 2 milyarddan çox insan mobil telefonlarla internetə çıxış əldə ediblər”, – deyə Kanako Mabuçi əlavə edib.</p>
