28, 29, 30 iyun 2024-cü il tarixində “The Ritz-Carlton Baku” otelində “PAŞA Holding”in təşkilatçılığı ilə “PASHA Hackathon 4.0” yarışı keçirilib.Hakatonun budəfəki mövzusu “PashaPay” tərəfindən həyata keçirilə biləcək yeni ideyaları təşviq etmək olub.Belə ki, yarışçılar 3 gün ərzində “PashaPay” tərəfindən təqdim olunan “challenge” üzərində düşünərək, şirkət üçün yeni ideyalar təqdim ediblər.Hakatona edilən müraciətlərin ümumi sayı 2000-dən çox, seçilənlərin sayı isə 230 nəfər təşkil edib. Qeyd edək ki, hakatonun sonunda ilk dörd yeri tutan komandaya müvafiq olaraq mükafatlar verilib: Birinci yer 6000 AZN; ikinci yer 4000 AZN; üçüncü yer 2000 AZN; dördüncü yer 1000 AZN.Xatırladaq ki, “PASHA Hackathon” innovativ məhsullar yaratmaq üçün keçirilən 48 saatlıq texnologiya yarışıdır. “PAŞA Holding” tərəfindən “PASHA Hackathon” artıq dördüncü ildir təşkil olunur. “Hackathon”un təşkil edilməsində məqsəd gənclər arasında innovativ düşüncə tərzini, həlyönümlülüyü təşviq etmək, eləcə də ölkədə innovativ mədəniyyətin inkişafını dəstəkləməkdir.
