Futbol üzrə Azərbaycan Premyer Liqasında IX tura həftəsonu keçirilən oyunlarla yekun vuruldu. Bununla həm də 4 dövrədən ibarət çempionatda I dövrə arxada qaldı və komandalar məcburi istirahətə yollandılar. Səbəb yığmaların UEFA Millətlər Liqasında keçirəcəkləri oyunlardır. Azərbaycan millisi də qarşıdakı günlərdə iki görüşə çıxacaq. Daha konkret desək, Fernandu Santuşun rəhbərlik etdiyi kollektiv oktyabrın 11-də Tallində Estoniyanın qonağı olacaq, 14-də isə Bakıda Slovakiya ilə münasibətləri aydınlaşdıracaq.
