Fransada parlament seçkisinin nəticələri elan olunub. Yerli media Daxili İşlər Nazirliyinin məlumatına istinadən xəbər verib ki, iddia olunduğu kimi, ifrat sağçılar seçkidə qalib gələ bilməyiblər. Solçuların cəmləşdiyi Yeni Xalq Cəbhəsi alyansı seçkinin ikinci turunda 182 yer qazanaraq, qalib olub. “Respublika Naminə Birlikdə” prezident koalisiyası 168 mandatla ikinci, sağçıların cəmləşdiyi “Milli Birlik” fraksiyası isə 143 mandatla üçüncü olub. Respublikaçılar isə 45 yer qazanıblar.
