Qəbul imtahanlarının bitməsi ilə şagirdlərin ixtisas seçimi etməsi vacib bir mərhələdir. Bu seçim şagirdlərin gələcəkdə hansı sahədə çalışacaqlarını və kariyeralarını hansı istiqamətdə inkişaf etdirəcəklərini müəyyən edir. Gələcəkdə tələb olunacaq ixtisasları seçmək üçün şagirdlər texnoloji inkişafları, bazar tələblərini və qlobal trendləri nəzərə almalıdırlar. Təhsil eksperti Elçin Süleymanov Oxu.Az-a açıqlamasında bildirib ki, gələcəkdə daha çox tələb olunacaq ixtisaslar texnologiya, səhiyyə, enerji və ətraf mühit sahələrində olacaq. Bu sahələrdə irəliləyişlər və dəyişikliklər nəticəsində bəzi ixtisaslara xüsusi diqqət yönələcək.
