“Mən yaşlı insanam. Evdən çıxıb mağazaya, bazara gedə bilmirəm. Hava qaraldı ümumiyyətlə gözüm seçmir deyə qapıdan çölə çıxmıram. Yollarımız bərbad gündədir. Yağış yağandan sonra ərazimiz bataqlıq olur. Bizə bir köməklik etsinlər. Bizim də ərazini asfaltlasınlar”. Bu fikirləri Bizim.Media-nın yerli bürosuna Gəncənin mərkəzində, Zərifə Əliyevanın adını daşıyan küçənin sakinləri söyləyib. Şikayətləri isə uzun illərdi bu ərazidə qarşılaşdıqları problemdəndir. Onun sözlərinə görə bu yaşayış sahəsində xeyli müddətdir abadıq işləri aparılmır. Digər sakinlər də bildirirlər ki, sonuncu dəfə Sovetlər birliyi dövründə bu əraziyə asfalt örtüyü salınıb. Daha doğrusu neçə ildir aidiyyəti qurumlar bu yaşayış sahəsində yola, binaların qarşısına nəzarət etmirlər. “XXI əsrdə məcburi rezin ayaqqabı və ya qaloş geyinirik”Faiq Musayev 1988-ci ildən burada yaşayır. Onun sözlərinə görə bu müddətdə bir dəfə də olsun binaları yerləşən ərazidə abadlıq işləri aparılmayıb, yollar düzəldilməyib. Leyla Qafarova isə yolların bərbad olmasının həm uşaqlara, həm də yaşlı nəslə böyük problemlər yaratdığını deyir:
