Yay fəsli özünü büruzə verəndən sonra metrodan istifadə edən hər kəs yeni qatarları axtarır. Çünki istiyə dözmək asan məsələ deyil, üstəlik xəttdə çalışan köhnə qatarlar da az deyil. Sərnişinlər kondisionerə görə yeni qatarlara üz tutsalar da, son zamanlar qəribə bir situasiya yaranıb.Yeni qatarlarda insanlar qan-tərin içində işə gedirlər. Bu vəziyyət ortaya bir neçə sual çıxarır: maşinistlər kondisionerləri tam gücdə istifadə etmirlər, yoxsa sərinlətmə sistemlərinin gücü çatmır?
