Saatlıda qlobal və yerli bazarda öz üstünlüyü ilə seçilən italyan brendi “Landini” markasının yeni “Super DT 110 HC” versiyasının təqdimatı həyata keçirilib. Təqdimatda qeyd olunub ki, sadə dizaynı və mükəmməl performansı ilə fərqlənən yeni model traktor yerdən oxa qədər olan hündürlüyü və təkərlərinin eyni ölçüdə olması ilə seçilir. Yerdən oxa qədər olan hündürlük bitkinin becərilməsində, onun vegetasiya dövrü ərzində zərərverici və xəstəliklərlə mübarizəsində, təkərlərinin eyni ölçüdə olması isə bitkinin tələb etdiyi kultivasiya və kök gübrələnmə zamanı aqrotexniki xidmətlərin daha rahat həyata keçirilməsində xüsusi rol oynayır.
