Vətən müharibəsinin ikinci günü – diqqət yalnız cəbhədən gələn xəbərlərə yönəlib. Prezident, Silahlı Qüvvələrin Ali Baş Komandanı İlham Əliyevin sərəncamı ilə ölkədə qismən səfərbərlik elan edilib. Azərbaycan Ordusu yüksək peşəkarlıq və əzmkarlıqla yalnız irəliyə doğru addımlayır. Buna baxmayaraq, düşmən yenə də ənənəvi xislətinə uyğun olaraq, beynəlxalq hüququn norma və prinsiplərini kobud şəkildə pozur, müharibəni cəbhə bölgəsindən kənara daşıyır, dinc əhalini və mülki obyektləri hədəf alır.
