Qasımlı Turan Cəmşid oğlu Sumqayıtda beş yaşından karate idman növü ilə məşğul olub, altı yaşında uşaqlar arasında Azərbaycan çempionu olmuşdur. Müəyyən vaxtdan sonra valideyinləri ilə İspaniyanın Malaqa şəhərinə köçmüşdür. Burda qısa müddət karate ilə məşğul olan Turan öz istəyi ilə, İspaniyanın “Malaqa” klubunun uşaq futbol məktəbinə yazılmışdır. Turanın solaxay olması, eyni zamanda sağ ayağını da sol ayağı kimi aktiv işlətməsi, sürətli və qıvraq biləklərinin olması , mükəmməl ara pasları ilə oynaması qısa müddətdə məşqçilərin diqqətini çəkmişdir. 2018-2019 cu il mövsümündə Turan La Liganın “Benjamin” (junior) A kamandasına yüksəlir, mövsümün ikinci dövrəsində yeddi nömrə formasını geyinərək komandanın dəyişilməz oyunçusuna çevrilir. İkinci dövrədə 15 oyunun hamısında start heyətdə meydana çıxır. Orta sahə və ya sol cinahda oynamasına baxmayaraq 14 qol, 17 məhsuldar ötürmə ilə klub məşqçilərinin diqqətini bir az da üzərinə çəkir və oynadığı klubda ilin ən dəyərli oyunçusu seçilir. 2019-2020-ci ilin mövsüm başlanğıcında İspaniyanın Qranada şəhərində xeyriyyə oyunu təşkil edilir və bu oyunda İspaniyanın hər tərəfindən 100 istedadlı və gələcəyi parlaq görülən uşaqlar dəvət edilir. Turan Qasımlı da bu oyuna dəvət alır. Turanın oynadığı komanda finalda futbolçunun vurduğu iki qol və bir məhsuldar ötürmə ilə 3:1 hesabı ilə qalib olur.
